東方日報

古天樂三線賀歲 娜姐等咀

型男古天樂長年累月片約不斷，身在巴黎趕戲的他稍後回港，下月緊接夥拍曾志偉、黃百鳴、毛舜筠及周秀娜等演出新片《玻璃偵探》，加上早前已竣工的《衝上雲霄》電影版，以及盛傳有機會接演吳君如的電影《金鴨》，3片全鎖定明年農曆新年檔上映，古仔隨時成為「賀年男神」。

演偵探玩黑色幽默
據悉，《玻》片投資預計800萬港元，劇本改編自英國著名小說家J.B.Priestley的《An Inspector Calls》，故事圍繞扮演偵探的古仔因調查一樁自殺命案到訪一個陌生家庭，一整夜發生的奇人奇事，影片充斥黑色幽默。電影公司老闆黃百鳴透露：「我30年前睇過呢個古仔嘅舞台劇，感覺至今難忘，所以交由製作人莊澄幫我去洽購版權返嚟，都傾咗年幾先搞掂，算還咗自己一個心願囉。」

荷里活雜誌有say
首次接演賀歲片兼與「古男神」合作的娜姐，談起是次演出開心表示：「其實之前做嘢都識得古仔，但今次真係好期待。（有冇親熱戲？）我期待呢個畫面，唔知導演邱禮濤能唔能夠幫吓我呢？」而《玻》片的籌拍進度，被荷里活著名電影雜誌Hollywood Reporter作大肆報道，可見古仔的知名度已日漸「國際化」。

同庆贺！