千嬅與古仔分享拍攝時嘅趣事

Nikey Li · 週五 11月 07, 2014 7:41 pm

原標題：拍落水戲，千嬅搞到仔仔面都青

【on.cc東網專訊】
楊千嬅及古天樂接受有線節目訪問，於新戲再演愛侶的二人大爆拍攝期間的難忘事。問到千嬅當上媽媽後再演單身角色，千嬅對此笑言日後要教囝囝享受單身生活：「做咗媽咪之後再演單身，更加知道點為之單身，我第日會教阿仔點樣好好享受單身生活。」

千嬅自爆與周渝民拍攝落水戲時「折磨」到對方面青：「我唔識游水，當時真係好緊張，但杜sir在場我已經唔識再緊張。當時我啱啱生完，個身好重，個人唔協調，仔仔要抱起我，我又不斷掙扎，拍咗半個鐘，搞到佢面都青哂。」

至於古仔自爆於戲中要一邊攀爬高樓、一邊唱歌：「當時無嘢傍住，手都震，又流晒大汗，消耗好多體力；同時又要唱歌，這場戲特別辛苦。」他更大爆直到拍攝最後一天亦未知結局：「戲入面可唔可以得到高圓圓，我到最後一刻先知道，可能想我哋情緒可以緊張啲，二嚟場戲仲有嘢改，拍杜sir嘅戲都慣咗呢個模式，可以隨時執生。」

千嬅與仔仔拍攝落水戲時，啱啱生完仲未修身成功，仔仔要抱起佢時，搞到面都青晒。

千嬅與古仔分享拍攝時嘅趣事。

千嬅講到手舞足蹈。

文：網路轉載