http://hk.apple.nextmedia.com/enews/rea ... 0/53355032

發哥雞啄唔斷 發嫂催入閘

(節錄有關內容如下)

據悉發哥三、四月會接演陳木勝一部以清末民初為背景嘅動作大片，其他演員有古天樂、彭于晏、洪金寶、吳京同袁泉等，戲中發哥同彭于晏飾演兩師徒，古仔飾演大反派，同發哥兩師徒有唔少角力場面。投資套戲嘅寰宇公司老闆林小明噚日表示：「呢部戲製作成本約一億八千萬人民幣，係公司投資最大嘅電影，部戲點解咁貴，主要係卡士費都接近一億港幣，加上要搭清末民初景，製作都要使好多錢，雖然部戲拍得唔平，但呢個組合好新鮮，相信觀眾會有觀賞慾。」

陳木勝一直希望同發哥合作拍戲，其實前年已經搵過一次，但當時因為檔期同劇本唔配合，最終傾唔成，直至去年中佢又諗咗個新劇本去再搵發哥，呢次終於有進展，雙方已數度見面談劇本，最後若談妥合約條件，相信今次合作嘅機會相當高。