重播你有Say !
http://on.cc/tvbdrama日頭猛做,到夜晚梗係要輕鬆吓啦,煲劇絕對係唔錯嘅選擇!自從無綫喺深宵時段推出經典劇《大時代》後,深宵狂煲掀起唔少集體回憶嘅經典劇已經成為熱潮,向來緊貼所有熱爆娛樂熱話嘅《東網巨星》APP,繼之前推出《港姐任你Like》後,今次仲搵嚟無綫搞搞新意思,即日推出《重播你有Say》,嚴選十套無綫經典劇畀大家任LIKE,為期兩個星期!(截止投票日期為9月28日下午4時)
當「民選經典劇」誕生後,無綫更會順應民意,緊接於10月5日深宵時段播放各位巴絲至Like經典劇。
呢個投票將分兩個階段進行,第一階段除咗有齊晒呢十套經典劇集嘅精彩劇照、精彩片段同埋故事簡介外,《東網巨星》FB仲會推薦必睇位,包各位巴絲睇完之後,煲劇即刻有晒方向。
投票方法好簡單,只要喺心水劇集嘅PROFILE專頁度畀Like,就代表你投咗一票,而同《港姐任你Like》一樣,呢個投票不設上限,鍾意嘅可以十套Like晒,自由度極大。
想睇咩劇都可以自己話事?仲等咩!快啲去畀Like啦!
《尋秦記》
演員角色:古天樂飾演項少龍、林峯飾演趙盤/嬴政、郭羨妮飾演秦青/琴清、宣萱飾演烏廷芳/鳳菲、郭鋒飾演呂不韋
故事簡介:《尋秦記》講述現代特種部隊精英項少龍(古天樂飾)為了得到令女友秦青(郭羨妮飾)回心轉意的時光倒流機會,就參與穿越時空回到秦朝的秘密任務。他更因時光機故障而提早到達秦國尚未一統六國的戰國時代。項少龍決心找出秦始皇嬴政及立志助其登位,以求回到未來。
少龍於此行中困難重重,又認識了權貴的女兒烏廷芳(宣萱飾)。其後他依靠烏氏成功接近秦國權臣呂不韋(郭鋒飾),正以為找到嬴政之際卻發現對方早死於戰亂。於是少龍就以魏國公主的表哥趙盤(林峯飾)冒認嬴政,更助他登基。利欲薰心的「假」嬴政開始對少龍動殺機,令他唯有舉家退隱,遠離權謀的舞台。
經典劇必睇位《尋秦記》
《尋秦記》
古天樂生鬼演繹項少龍,本來做G4嘅佢帶住閃光彈、手槍同相機,透過時光機返回二千年前嘅戰國時代,笑位連連,包括古仔去大解要厠紙,滕麗名竟然畀塊瓦片佢;同飾演趙國公主嘅雪兒慶祝生日大唱《Happy Birthday》兼教切生日蛋糕、宣萱遇溺古仔同佢做人工呼吸打破男女授受不親嘅規條、狂唸唐詩令人以為佢文采勁兼成功冧女,又教古人大跳Tango同猜枚:「項少龍個龍呀、龍馬精神個神呀!」