古天樂演人肉慢動作排足兩個月
2016年07月10日 (05:03 PM)
古天樂、趙薇、鍾漢良等在廣州拍攝《三人行》,其中一場戲需要逾150人一齊演出慢動作,由於導演杜琪峯(杜Sir)不靠機器做效果要求演員人肉慢動作,故邀請導師訓練兩個月,一眾演員日日學龜速行動。
為拍攝這場10分鐘慢動作戲份,事前卻花上兩個月練習,訓練過程要學慢鏡逃跑、翻筋斗、開鎗、轉身等動作,正式連攝影機排練走位都要幾天。杜Sir說:「呢個慢動作鏡頭都幾長,而且唔係用拍攝技巧做後期,而係由演員自己去做,今次係一個新嘗試,係展示一個空間嘅能力,及一種集體能力,可以當一個舞台咁去演出,今次安排咗肢體導師、語言導師去訓練大家,教佢哋點樣去控制動作快慢及平衡。」
古天樂笑言訓練不只學慢動作,曾想過是否連眨眼都要慢:「未拍之前已知道有呢場10幾分鐘嘅慢動作戲,初時以為係後期製作,原來係要真人上陣,因為每個人嘅柔軟程度不同,所以設計動作都有不同。」趙薇則自覺學得不錯,有些是自然反應,這場戲是拍他們在追逐,是一個災難性場面!
鍾漢良亦表示不用開工時候便去訓練,他學過跳舞有動作底子,本來以為很容易,但原來不是想像中一樣,慢動作連關節也要配合,學了慢動作才知道要將每個動作要分析得好透徹!