古仔部落格及Louis Koo's Share https://www.kootinlok.com/share3.X/ |
|
【網民掛住《男朋友》】古天樂:冇病呀嘛? 叫青雲搵郭藹明做情婦 https://www.kootinlok.com/share3.X/viewtopic.php?f=1&t=50783 |
第 1 頁 (共 1 頁) |
發表人: | Nikey Li [ 週四 7月 28, 2016 8:05 am ] |
文章主題 : | 【網民掛住《男朋友》】古天樂:冇病呀嘛? 叫青雲搵郭藹明做情婦 |
古天樂同劉青雲喺今日中午12點左右喺《危城》facebook專頁同網友玩live,喺約15分鐘互動時間中,最多人就係想聽古仔再開金口,古仔笑住話:「我金盆洗手咗好耐。」當有網友叫佢哋兩位下次合唱電影主題曲,兼好掛住古仔首歌《男朋友》時,古仔笑住話:「呢位朋友冇病呀嘛?唔好搞啦。」青雲則表示本身係唔唱歌嘅。 問到若果兩人擔任導演,要佢哋再加演員入戲,佢哋會點揀?青雲諗咗好耐話好難答,因為冇位再加人,身旁嘅古仔即提議「加郭藹明做你情婦」,青雲以傻笑回應。再提到古仔同青雲多年來合作無數,問到佢哋想下次拍動作片定笑片?青雲話:「動作片好啲,笑片好辛苦。」 講到佢哋兩個合作無間,嚟緊會唔會好似譚詠麟同李克勤咁成組合,主持綜藝節目同開餐廳?青雲指本身只係演戲,唔識主持綜藝節目,加上開餐廳做生意就更加唔識。古仔就否定青雲講法,仲提青雲之前做過主持,青雲話:「冇錯,係得。」另有網民問古仔,若見到青雲同彭于晏跌落水會救邊個?古仔話:「我本身唔識游水,都係報警把啦。」 另外,古仔同青雲被問到點解廿幾年都保持得咁好?青雲就話:「呢個錄影係廿年前錄低。」至於被問點解兩位膚色都咁黑嘅時候?青雲指因為燈光問題,古仔補充指長期燈光唔夠。最後兩人被問到如果成為夫婦,誰做老公?誰做老婆?佢哋異口同聲指點答都死,應該兩個都係老公。 話說回頭,其實除咗《男朋友》,如果可以聽番古仔唱《像我這一種男人》,甚至《今期流行》就更加好喇…… 今日古天樂幫新片《危城》宣傳,玩live chat時,有網民話掛住佢唱《男朋友》,古仔大叫「唔好搞」。 青雲(右)同古仔兩個全程邊講邊笑 古仔仲笑到趴枱 古仔話自己唔識游水(又估唔到喎) 青雲笑到標眼淚咁滯 【經典重溫】古仔另一隻名作《像我這一種男人》,卡拉OK版中見到一個古仔雙手掩胸嘅可愛表情 【經典重溫】其實古仔首《今期流行》真係好hit,嗰隻舞更加係大家嘅模仿對象…… 文:網路轉載 |
發表人: | dolphin_joanna [ 週五 7月 29, 2016 4:59 am ] |
文章主題 : | Re: 【網民掛住《男朋友》】古天樂:冇病呀嘛? 叫青雲搵郭藹明做情婦 |
發表人: | 如果您用心会发现是我 [ 週五 7月 29, 2016 7:40 am ] |
文章主題 : | Re: 【網民掛住《男朋友》】古天樂:冇病呀嘛? 叫青雲搵郭藹明做情婦 |
人红就是有运气。。 不明白为什么这样的歌曲拿到那么多奖项。。。好像还有拿到白金 |
發表人: | 蓝筹股 [ 週一 8月 01, 2016 10:05 pm ] |
文章主題 : | Re: 【網民掛住《男朋友》】古天樂:冇病呀嘛? 叫青雲搵郭藹明做情婦 |
古先生這個膚色才是最好看的, 別再曬黑了。 |
發表人: | 玲玲洛洛 [ 週日 8月 21, 2016 3:26 am ] |
文章主題 : | Re: 【網民掛住《男朋友》】古天樂:冇病呀嘛? 叫青雲搵郭藹明做情婦 |
Thx for sharing |
第 1 頁 (共 1 頁) | 所有顯示的時間為 UTC + 8 小時 |
Powered by phpBB © 2000, 2002, 2005, 2007 phpBB Group http://www.phpbb.com/ |