Re: 古天樂的港隊精神:最緊要投入(1) / 45歲不婚之謎 古天樂:我無時間拍拖(2)[視頻]
【add即時.尚】45歲不婚之謎 古天樂:我無時間拍拖(2)
45歲的古天樂,歷年緋聞極少,近年的只有陳妍希、陳喬恩等,再數,已是多年前名字。
一眾港產片鐵腳老友如劉青雲、張家輝,早早成為愛妻號,古天樂身邊就長期有空位,「有幻想過結婚,但冇咩時間去處理。你要有時間去相處先得,只見到面係無用的。」仔女?「更加需要多啲時間啦,有另一半先再講啦。」
家事少提,古天樂出名孝順,近月傷眼、傷腰,媽咪可會擔心,「阿媽唔知我出面做咩,唔係報喜不報憂,係我直情唔話佢聽我做緊咩,拍緊咩戲佢又唔知,明天飛去邊佢又唔知,同埋我阿媽比較忙,朋友多又要唱戲。」
古天樂出名愛買衫,主攻潮星型男品牌,「好多品牌都鐘意,Givenchy、Balmain、嘩好多喎,近期買咗好多McQueen啦,真係好多牌子,講唔晒。我鍾意買衫,但唔覺得我係潮男。」買衫精愛出埠買、愛上網買,自命網購成功率奇高,「上網最大問題係唔知咩size,不過我好少退,因為買完都會改,唔岩都唔緊要,反正改完先有得著。」
衫最緊要要fit身型,銀包內最重要又是甚麼?「銀包最重要係身分証,其次信用卡,八達通我都有,不過我無用。」