Fan Club 主頁   古仔部落格主頁   Louis' Fans Sharing   古夫人信箱   Forum 聊天區   DV特製短片   DV新聞區   DV相片分享區   公告   
 Louis Koo's English Blog   Louis Koo's sina blog   
現在的時間是 週五 3月 29, 2024 10:06 am




發表新文章 回覆主題  [ 1 篇文章 ] 
 古天樂從影多年,呻辣警難撈 
發表人 內容
頭像

註冊時間: 週五 4月 30, 2010 1:32 pm
文章: 11249
來自: 金星... 住在 Taipei ... 玩在各地的天秤女...
引用回覆
文章 古天樂從影多年,呻辣警難撈

圖檔

活躍電影圈多年的型男古天樂飾演過無數角色,直言最高難度是挑戰經常飾演的警察角色,他又慶幸從未遇上樽頸位,並透露自己私下很怕鬼,不會睇恐怖片;而外表冷靜及作風低調的他,笑言食物是其興奮劑,更是一名「辣椒仔」!


食嘢令我Hyper
外表冷靜、作風低調的古仔,私底下究竟性格怎樣?遇到哪些事情會令其表現Hyper呢?他仔細想了一想,表示吃東西令自己最開心:「好難有嘢會令到我好Hyper,唯一係食嘢囉,因為我好鍾意食嘢,但我煎炸嘢唔食、甜嘢唔食、太鹹都唔食,辣就食,我反而係最鍾意食辣,食嘢會令到我Hyper,有人介紹我去邊度食嘢就好開心。(你咁低調會否介意被問及私生活?)冇㗎,你有你問,我有我唔答咋嘛,冇乜嘢㗎!(畀你再揀會否入行?)嘩,唔好揀嚟揀去啦,揀咗係就係㗎啦,唔好三心兩意喺度諗唔做呢樣做乜好、第時退休做啲乜,唔好諗咁多嘢,我係一心去做嗰樣嘢就會勇往直前去做嘅人,少說話多做事係我人生嘅座右銘。」


◆我唔睇恐怖片㗎!
從影多年的古仔談及還有哪些角色想演出,他坦言仍有很多角色未試過,但就一語道出拍戲的最高難度是挑戰經常飾演的角色:「做咩戲都係一個道理㗎啫,最緊要係做好個角色,有咩未做過?當然有好多,但我覺得最難做嘅係成日做嘅角色,即係差人(警察),我好多戲都係做差人,好難搞㗎嘛,所以做一部戲要睇整體性,唔係淨係話個人,從中發掘一個新觀點去做先係最難。(有冇遇過樽頸位唔知點做?)都唔會嘅,每個角色嘅背景、性格都唔同,好難有樽頸位。」他續透露最喜歡看喜劇及最怕睇恐怖片,笑言自己很驚鬼:「我唔睇恐怖片㗎!除非嗰部戲真係出名到唔睇唔得,我成日飛嚟飛去,返到酒店房就真係唔慌唔驚啦!(你驚鬼?)梗係驚啦,好彩冇試過遇到。」

圖檔
古仔有興趣踩過界搞設計。

圖檔
古天樂

圖檔
古仔扮過無數次警察,愈做愈考演技。


身為《星戰》迷的古仔,被問有否計劃衝向荷里活發展?他卻表示隨緣:「做好自己本分就得㗎啦,冇話計唔計劃,因為我自己做嘢每日都只係瞓三、四個鐘,瞓都冇時間。(屋企人有冇投訴你冇時間陪佢哋?)佢哋知我做呢行㗎嘛,冇投訴嘅。(有冇因忙碌工作錯過一啲緣分?)唔知喎,錯失嘅即係你唔知道㗎啦!」


唔使Keep都咁型
向以型男形象示人的古仔成為時尚界寵兒,談及如何長期保持身形穿靚衫,他表示每日的拍戲工作已消耗很多能量:「其實日日拍戲已經好大運動量,所以我冇乜刻意Keep㗎喎,平時開工已食無定時,瞓覺時間又顛倒晒。(你點保養?)冇㗎喎,我連補品都好少食。」

圖檔
外表冷靜,原來心底好怕鬼。

圖檔
古仔得天獨厚,忙到冇時間進補都咁型仔。

圖檔
古仔話冇特別Keep Fit,隨時剝衫拍戲晒身材都掂。


早前他獲意大利品牌TOD'S邀請飛往新加坡出席全新概念店開幕典禮,自言是品牌忠實粉絲的他,有興趣跟品牌合作推出聯乘設計產品:「我鍾意品牌啲袋、鞋,由品牌好Signature嘅豆豆鞋開始鍾意。我有興趣同品牌合作推出設計產品,不過我覺得每個牌子都有自己好獨特嘅地方,就算合作都要了解番佢有乜特別嘢、過人之處,講吓自己嘅Idea點樣Crossover去做呢樣嘢。」


工作狂也顧家
作為藝人經常出埠工作,古仔表示如有時間旅行必定會做一件事:「我講咗好多年㗎啦,我好想去睇動物大遷徙,不過一定要九月、十月先睇得到,所以要夾時間好鬼難。」

圖檔
古仔原來好鍾意食嘢,仲要無辣不歡。

圖檔
新加坡藝人陳風玲(左起)與古天樂、歐萱,早前齊撐品牌開幕。


談及人生規劃,家庭、愛情、事業等會如何排位時,古仔坦言最憎排次序:「排嚟做咩呢?又唔係跑馬。(總有一樣較重要!)咁依家就梗係做嘢啦,工作係第一位。」身為工作狂的他透露仍跟家人同住:「我喺香港唔使開工就會返屋企陪佢哋,就算之前喺泰國拍兩個月戲,我中間有一個月都會返去一、兩次㗎!」


文:on.cc/網路轉載

圖檔

_________________
________________________________________

做自己與別人生命中的天使!
【Nikey Facebook】https://www.facebook.com/nikeyli
收藏古天樂 (Youtube視頻)】http://www.youtube.com/user/nikeyli
收藏古天樂 (土豆視頻)】http://www.tudou.com/home/nikeyli

________________________________________


週二 2月 21, 2017 6:54 am
個人資料
顯示文章 :  排序  
發表新文章 回覆主題  [ 1 篇文章 ] 


不能 在這個版面發表主題
不能 在這個版面回覆主題
不能 在這個版面編輯您的文章
不能 在這個版面刪除您的文章

搜尋:
前往 :  
cron
© 2006-2024 kootinlok.com 版權所有 不得轉載