古仔部落格及Louis Koo's Share
https://www.kootinlok.com/share3.X/

①【「點呀,你勁唔勁呀?」】古天樂公開笑洗米華:淨係今晚勁咋嘛?、② 【普通話都係咁普通…】周焯華自封澳門古天樂:腥齋你
https://www.kootinlok.com/share3.X/viewtopic.php?f=1&t=51211
1 頁 (共 1 頁)

發表人:  Nikey Li [ 週四 2月 23, 2017 7:46 am ]
文章主題 :  ①【「點呀,你勁唔勁呀?」】古天樂公開笑洗米華:淨係今晚勁咋嘛?、② 【普通話都係咁普通…】周焯華自封澳門古天樂:腥齋你


①【「點呀,你勁唔勁呀?」】古天樂公開笑洗米華:淨係今晚勁咋嘛?

澳門古天樂周焯華,今晚喺澳門新濠影匯舉行太陽城十周年晚會——「傳奇之夜」演唱會,星光熠熠,梗係,一擲千萬請眾天皇巨星上台輪流獻唱,先有Sammi安仔合體唱《唯獨你是不可取替》,又有Eason孫燕姿,仲有香港周焯華——古天樂。

古天樂一出場就話:「我真係唔明,點解你每次出場,都要有一個女性喺你身邊嘅?」洗米華唔理答佢,只係話:「唔好意思,我係企中間嘅。」原來古仔企咗老闆個中間位…

調完位之後,古仔問洗米華:「點呀,你勁唔勁呀?」洗米華單字回應:「勁。」單手插袋。古仔唔放過佢:「淨係今晚勁咋嘛?」洗米華繼續單手插袋:「冇度稿呀真係…」

仍然堅持單手插袋嘅洗米華,想交個場俾番古仔,於是話:「最希望就係古仔唱首歌,好唔好呀?」古仔即接口道:「係呀我會唱呀,同埋我會跳埋舞添!」洗米華就謂:「《當年情》唱得好好添!」劉謙即點頭:「好呀好呀。」點知古仔話:「唔好啦,《今期流行》好啦!」洗米華即向劉謙笑古仔(用普通話講):「他真的不講普通話的。」劉謙即又點頭:「好呀好呀。」古仔就話:「好呀?咩都好呀嘛?」劉謙都係嗰句:「好呀好呀。」洗米華冇聲出。

於是古仔又搶番個主場,繼續「夭」洗米華謂:「唔知大家會唔會反對,最後一個表演嘉賓,就係阿華哥,係咪呀?」洗米華雙手拎番出嚟一陣,再雙手插袋,古仔原來未講完:「同埋阿華嫂…」邊個華嫂??

此時洗米華又單手插袋,笑笑口,定個抬油咁款,點知全場竟然尖叫。

唔係呀化?唔係古天樂同古嫂合唱喎!而係洗米華同洗米嫂合唱喎?唔係偶像派嚟喎,使唔使全場尖叫咁誇啊!!!呢個Moment,洗米華好似feel到有啲尷,低下了頭……其實佢係,用另一隻,整一整件衫,扣番啲鈕。

全場仲high緊,洗米華指指台下,忽然話:「佢唔係咁講喎!」古仔即 止住了他:「你唔好理啲字幕啦!」繼續話:「通常歌手唱得好,啲觀眾嗌encore,咁希望到時華哥同華嫂再出過嚟,再合唱多一首歌好唔好?」

全場又叫。洗米華今次冇鈕好扣,於是摸鼻。

圖檔

圖檔

圖檔

圖檔


文:網路轉載

圖檔

發表人:  Nikey Li [ 週四 2月 23, 2017 8:03 am ]
文章主題 :  ①【「點呀,你勁唔勁呀?」】古天樂公開笑洗米華:淨係今晚勁咋嘛?、② 【普通話都係咁普通…】周焯華自封澳門古天樂:腥齋你


②【普通話都係咁普通…】周焯華自封澳門古天樂:腥齋你要變,鵝兜要變!

今晚周焯華(洗米華)集團喺澳門新濠影匯舉行嘅太陽城集團10周年「傳奇之夜」演唱會,群星巨星多到數唔晒。

演唱會由魔術師劉謙打頭陣,表演魔術將老闆周綽華(洗米華)變出嚟,坐住哈利電單車嘅洗米華,依舊係全身黑色衫褲再加白波鞋型爆登場,坐電單車時仲有個油光滿面嘅馬尾女傍實喺車尾。真係星味十足呀!

之後洗米華一嘢跳落地,再一手搶咗馬尾女支咪,不知所措嘅馬尾女嚇到即刻彈返入後台;而洗米華就風騷同觀眾打招呼,笑笑口話:「我係澳門古天樂!」全場拍掌大笑。


識搞gag喎!
洗米華之後同劉謙傾偈,不過國語唔多靈光嘅佢,講國語原來仲好笑過搞爛gag。

洗米華先用國語同劉謙打招呼:「大家姣、老師姣!你可以跟我盞慢一點嗎?我腥齋很紙張!」

劉謙就同洗米華講,今晩所有人嚟都係為咗佢,問洗米華有咩表示,洗米華繼續用國語講:「腥齋你要變,鵝兜要變!鵝會變呢,一個人出來,鵝隆重謝消……」

最爆笑一刻到啦,洗米華突然講:「我都係講番廣東話啦!其實呢個人……」講咗兩句廣東話,洗米華忽然又再轉channel,講番國語:「其實謝個人呢,本身也是唱歌,很厲害!後來沒有唱歌。」

劉謙問佢係咪劉德華、周杰倫,洗米華就話:「比劉德華更好!後來他改拍電影,拍電影就成為電影謝的傳紙……鵝隆重謝消,香港周焯華先生!我叫澳門古天樂!」

古仔之後就笑住出場……如果你係佢,你會講咩好……

圖檔

圖檔

圖檔

圖檔


文:網路轉載

圖檔

發表人:  Rose Soo [ 週四 2月 23, 2017 8:01 pm ]
文章主題 :  Re: ①【「點呀,你勁唔勁呀?」】古天樂公開笑洗米華:淨係今晚勁咋嘛?、② 【普通話都係咁普通…】周焯華自封澳門古天樂


Thanks Nikey for sharing.

發表人:  Nikey Li [ 週五 2月 24, 2017 6:58 am ]
文章主題 :  (Rose) ①【「點呀,你勁唔勁呀?」】古天樂公開笑洗米華:淨係今晚勁咋嘛?、② 【普通話都係咁普通…】周焯華自封澳門


Rose,不客氣... :mrgreen:

Nikey /2017.2.24

圖檔


Rose Soo 寫:

Thanks Nikey for sharing.

1 頁 (共 1 頁) 所有顯示的時間為 UTC + 8 小時
Powered by phpBB © 2000, 2002, 2005, 2007 phpBB Group
http://www.phpbb.com/