Fan Club 主頁   古仔部落格主頁   Louis' Fans Sharing   古夫人信箱   Forum 聊天區   DV特製短片   DV新聞區   DV相片分享區   公告   
 Louis Koo's English Blog   Louis Koo's sina blog  Free Kingdom  
現在的時間是 週五 5月 25, 2018 11:09 am




發表新文章 回覆主題  [ 1 篇文章 ] 
 【視頻】與五個小孩齊賀年 古仔被追問有冇帶女友見家長 
發表人 內容
頭像

註冊時間: 週五 4月 30, 2010 1:32 pm
文章: 9888
來自: 金星... 住在 Taipei ... 玩在各地的天秤女...
引用回覆
文章 【視頻】與五個小孩齊賀年 古仔被追問有冇帶女友見家長

【視頻】自行點閱連結下載


https://video.appledaily.com.hk/mcp/encode/2018/02/14/3548993/20180215_GAG484_VER3_w.mp4


..........................................................

【蘋果娛樂】
恭喜發財!聽日就係大年初一喇,生肖屬狗嘅古天樂,日前約埋曾喺《五個小孩的校長》合作過嘅傅舜盈(嘉嘉)、何涴瀠(小雪)、陳麗兒(Jennie)、李詠珊(Kitty)同王詩雅(珠女)5個小孩敍舊,古仔仲親自煎蘿蔔糕俾佢哋食。咪睇嗰5個小孩年紀細細,成班妹妹仔「人細鬼大」喺咁追問古仔有冇拍拖結婚,搞到平時好cool嘅古仔都俾佢哋迫問到冇晒符,要投降。

5個小孩到場後已經開始商量同古仔講乜,
嘉嘉話:「要祝古仔哥哥生意興隆,你哋唔好講。」
小雪話要祝古仔心想事成,
Jennie同Kitty就爭住要祝古仔身體健康,
至於珠女就儍氣問:「咁我講啲咩呀?」
其餘4個就提議:「你就講『快啲結婚派利是』啦!」

當古仔去到現場後,先同5個小孩講恭喜發財,仲問班妹妹有冇掛住自己,點知班小孩就老實不客氣話:「利是逗來!」搞到古仔勁冇癮話:「唓!咁現實嘅你哋…」跟住就乖乖派利是。

嘉嘉話:「古仔哥哥,你派利是喎,媽咪話結咗婚先派利是㗎喎!」古仔聽佢講完即刻笑笑口話要收番,Jennie即刻口甜舌滑搶住話:「我哋好掛住你呀,你有冇掛住我哋?」o氹到古仔即刻「加碼」,每人再派多一封利是。

小雪問古仔新年鍾意食咩?
古仔答:「潤腸,仲有最鍾意食蘿蔔糕。」
跟住小雪就話自己都愛蘿蔔糕,仲開聲叫古仔下廚煎糕,古仔二話不說即下廚。

喺古仔煎糕期間,被Kitty問到平時新年會點樣過,
古仔答:「拜年,仲有大掃除,鍾意食啲新年嘢,逗下利是囉!」

珠女問:「你平時有冇煮嘢食㗎?」
佢答:「真係冇,但係新年煎吓蘿蔔糕都得嘅,又唔係好難。」

小雪突然「入正題」,問古仔:「有冇試過帶你女朋友去拜年?」
古仔即刻九唔搭八話:「咦?喂,食得喇!啱啱好真係。」企圖扯開話題。

輪到Jennie問古仔「有咩習俗係一定要做」,
古仔話:「年初一唔沖得涼,以前我阿媽話俾我聽,年初七之前都唔好沖涼,我真係俾佢點咗好多年,我後尾冇理,年初一之後我就沖涼,同埋年初二會開年,食開年飯,跟住就會同阿爸去放吓生。」

點知小雪見古仔冇答,再追問古仔有冇帶過女朋友去拜年,連珠女附和追問埋一份,古仔都冇晒符,只可以叫佢哋食嘢扯開話題,但小雪窮追不捨:「有定冇呀?」古仔笑笑口扮傻,諗住扮聽唔到過骨,但小雪冇放棄,最後搞到5個小孩一齊大聲問,但古仔…梗係冇開估啦。

後來記者問古仔,見到5個小孩咁sweet,會唔會令佢都好想生番個,Kitty食住上話:「係囉,你會唔會呀?你應該錫珠女好多!」古仔冇咁好氣講:「好想呀,真係每分每秒都好想生,真係!你哋滿意未?」

但幾個小孩勁好毅力,咬住唔放不停追問,古仔投晒降:「唔好再講呢啲啦,新年流流…」

Kitty仲「爆料」問:「你有好多女朋友呀喺出面?」
古仔聽到莫名奇妙,反問:「係咩?邊個同你講㗎?」

古仔之後接受訪問,話2015年拍完呢部戲後,同佢哋5個小孩好難約得齊見面,所以今次見面,先發現佢哋已經快高長大晒,古仔仲帶住佢哋同大家拜年,祝大家身體健康,喺狗年萬事如意。

雖然今年係佢本命年,傳統嚟講係犯太歲嘅,不過古仔就冇有怕:「犯太歲嘅意思,可能係好大變動嘅一年,所以今年反而我想有啲唔同嘗試。」

問佢新年點過?
古仔話:「年三十晚會幫媽咪大掃除屋企,夜晚會用碌柚葉沖涼,阿媽話咁做可以將一年唔好嘅沖走晒。到大年初一會陪媽咪去拜年,細個去拜年,純粹為逗利是,o依家咁大去拜年就係敍下,因好多親朋好友真係一年先見一次,所以特別珍惜。屋企亦都會有好多人嚟拜年,真係人山人海,我媽大年初一會煮齋菜俾大家食,我媽煮餸幾叻,新年嗰幾日,佢哋會親自落廚整下新年菜俾我食。」

貴為電影公司老闆嘅古仔,派利是自然唔少得,佢話:「過年我會派利是,唔係一定要結婚先派利是嘅,只係一種意頭,最重要係大家開心。」成班小孩咁關心古仔有冇女朋友,記者當然要問佢幾時結婚生仔呢?佢話:「快㗎喇!」

圖檔

圖檔
古仔一見到5個小孩,即被逗利是。

圖檔
古仔問5個小孩有冇掛住自己

圖檔
平日好cool嘅古仔,難得出現熱情…

圖檔
點知換嚟班細路,只係為咗啦攞利是。

圖檔

圖檔
珠女幫手佈置

圖檔
古仔仲親自煎糕俾5個小孩食

圖檔
被追問拍拖同婚期,古仔企圖叫食嘢嚟避答。

圖檔
但最後被問到冇氣答…

圖檔
古仔又帶住5個小孩向讀者拜年


文:網路轉載

圖檔

_________________
________________________________________

做自己與別人生命中的天使!
【Nikey's Blog】http://blog.yam.com/nikeyli
【Nikey Facebook】https://www.facebook.com/nikeyli
收藏古天樂 (Youtube視頻)】http://www.youtube.com/user/nikeyli
收藏古天樂 (土豆視頻)】http://www.tudou.com/home/nikeyli

________________________________________


週五 2月 16, 2018 9:52 am
個人資料
顯示文章 :  排序  
發表新文章 回覆主題  [ 1 篇文章 ] 


不能 在這個版面發表主題
不能 在這個版面回覆主題
不能 在這個版面編輯您的文章
不能 在這個版面刪除您的文章

搜尋:
前往 :  
cron
© 2006-2018 kootinlok.com 版權所有 不得轉載
累積瀏覽人次 :

Powered by phpBB © phpBB Group.