古仔,,
最近我個fd唔知點樣識左d人,,話買一批健康產品果d然後可以賺錢,,即係要我個fd比錢買批貨番黎自己賣番出去就可以賺錢果種,,我個fd就俾左一半錢,$13000,,對於我地一個17歲既學生黎講絕對唔係一個細既數目,d錢係佢o係M記做左年幾辛苦賺番黎ge,而佢屋企人係一向唔理佢果種,所以佢父母一定唔知,咁仲差一半錢佢就周圍問人(包括我地)借喇...咁就比我地知道左成件事,,我地個個都話佢擺明俾人呃,,警訊都成日講呢d la~~我仲話埋俾佢聽我表姐好似係前年又係俾呢d人氹,最後又係俾人呃,仲要我姑媽幫佢還錢...佢就話呢間公司唔同架,,仲上過去,唔係我地講果種~~仲話我地唔明架喇,,佢要為自己鋪後路,果d人話有機會幫佢去外國升學wor..我地勸佢俾左果$13000就一定攞唔返,,叫佢唔好再俾埋尾數,如果唔係會愈踩愈深...但佢死都話果間野唔會呃人,,仲叫我地信佢,借錢幫佢...我同其他fd就覺得呢d野唔可信,真係唔想佢俾人呃,而且我地都係學生,點會有咁多錢借比佢...佢而家張自己成副身家攞左出黎,仲要周圍問人借錢,,我覺得咁樣好冒險...雖然佢話信果間野,,但作為朋友見到佢咁都唔知點幫佢
我真係唔想睇住佢愈踩愈深,如果佢到時知道自己真係俾人呃哂d錢都唔知佢會點...我唔想自己好似冇做過野幫佢,,好似唔信佢咁,,但我真係覺得佢好冒險,,我唔想最後睇到d唔好既結果...
古仔,,你可唔可以教下我應該點做呀???