| 古仔部落格及Louis Koo's Share https://www.kootinlok.com/share3.X/ |
|
| 停課 https://www.kootinlok.com/share3.X/viewtopic.php?f=5&t=59786 |
第 1 頁 (共 1 頁) |
| 發表人: | Fionko [ 週二 3月 10, 2020 11:40 pm ] |
| 文章主題 : | 停課 |
停課左一段時間了，今日幫女兒去學校拿3月份的功課，看到這厚厚的功課好無奈，無奈既唔係功課既課量，而係好多課程未開始教，即係話我要自己喺屋企教書，嗚嗚嗚… 作為全職媽咪既我都覺得呢件事好有難道，每日訓醒眼都未張開，已經要喺廚房作戰，每日都喺廚房洗洗切切，煮早午晚三餐加上要做其他家務，其實唔係好夠時間去教書，加上要做功課，所以比平常小朋友要番學時更加忙碌，還好的是女兒只是一年級，我都沒太大考試既壓力，全職媽咪已經覺得唔夠時間用，我想像唔到在職媽咪或者有兩個小朋友既媽咪點算，唉…無辦法啦！希望疫情快點過去，至於復課安排，其實做家長都好擔心，怕番學時會傳染，而家市面上好缺小朋友口罩，一日最低限度都要用兩個口罩，番學一個，午飯後又要換一個，一盒50個既口罩其實好快就會用完，睇黎一開學小朋友既口罩又會被炒到天價，好多家庭未必負擔得到幾百蚊一盒既口罩，我之前喺網上面訂既成人口罩終於到手，然後我將5個為一包，派比屋企樓下附近既清潔工人，有個清潔叔叔接到我的口罩時，隨即將佢帶緊個0.01口罩除低，然後換上我送比佢既口罩，叔叔不停連忙多謝我，他還說呢個超薄型口罩佢已經帶左一個星期，佢唔敢丟掉，因為屋企一個口罩都無，但係食環署管工無口罩派比佢，如果唔帶口罩就無得開工，因為政府將食環署外判左比私人公司，所以之前政府就算話派口罩比清潔工人都落唔到佢地手，佢地唯有靠自己，清潔叔叔走左之後，我企喺條街到好想喊，佢地先係香港既最前線，但往往佢地係最被人忽略既一群，我自問能力有限，只能派到100個口罩，幫得一個得一個吧，可以有能力幫人都係一種福氣，日子就算幾難捱，但難捱日子總會過! 香港人一定要加油!!! |
|
| 第 1 頁 (共 1 頁) | 所有顯示的時間為 UTC + 8 小時 |
| Powered by phpBB © 2000, 2002, 2005, 2007 phpBB Group http://www.phpbb.com/ |
|