古仔部落格及Louis Koo's Share https://www.kootinlok.com/share3.X/ |
|
爸爸終於出院了 https://www.kootinlok.com/share3.X/viewtopic.php?f=5&t=59869 |
第 1 頁 (共 1 頁) |
發表人: | Fionko [ 週五 5月 15, 2020 2:32 am ] |
文章主題 : | 爸爸終於出院了 |
之前爸爸因為爆肺,所以入左醫院,疫情關係無得探病所以只可每日打電話問候下佢,差不多住左兩星期醫院,因為醫院怕老人家落床會受傷,所以醫院唔比爸爸落床,所以令到佢雙腳行路發唔到力,要做物理治療練番行路同呼吸,爸爸因為好愛乾淨,所以番到屋企第一時間就要我幫佢洗頭,帶佢去剃鬚剪頭髮,然後同佢上酒樓食番餐好,爸爸因為慢性肺病,醫生要佢做所有野都要慢,可以比個肺有時間換下氣,但爸爸性格好急燥慢唔到,所以只好經常都提住佢,而家相對時間好唔夠用,每日要照顧小朋友,要花3個鐘去教書教功課,買餸煮三餐,加上番去探爸爸,有時真係好攰,還好爸爸做完物理治療之後行得番,可以照顧到自己,但因為之後要長期覆診,加上我小朋友6月中就要復課,但每日只係番半日,學校尋日已經出左考試時間表,我黎緊真係有排忙,未必能夠陪到爸爸去覆診,只好安排陪診員帶爸爸去醫院覆診,而家每日都好攰,但係夜晚訓落床成個人係攰到訓唔到,攪到自己呢排身體好差,身體裡面好似好多毒素累積住咁,精神唔係幾好,希望過一排會無事啦。 謝謝關心我爸爸留言既人,祝大家都身體健康。 |
發表人: | jellyfish [ 週四 5月 21, 2020 3:11 am ] |
文章主題 : | Re: 爸爸終於出院了 |
好高興知道你爸爸出院康復中,希望他早日全面康復。 做媽媽真的不易,但每天花三小時教小朋友做功課,真的辛苦,辛苦雙方。 可以想一想有冇方法可以設計一些活動讓小朋友自己做而讓你可以休息下,或起碼可以睇住佢做,而唔洗辛苦自己呢? Fionko 寫: 之前爸爸因為爆肺,所以入左醫院,疫情關係無得探病所以只可每日打電話問候下佢,差不多住左兩星期醫院,因為醫院怕老人家落床會受傷,所以醫院唔比爸爸落床,所以令到佢雙腳行路發唔到力,要做物理治療練番行路同呼吸,爸爸因為好愛乾淨,所以番到屋企第一時間就要我幫佢洗頭,帶佢去剃鬚剪頭髮,然後同佢上酒樓食番餐好,爸爸因為慢性肺病,醫生要佢做所有野都要慢,可以比個肺有時間換下氣,但爸爸性格好急燥慢唔到,所以只好經常都提住佢,而家相對時間好唔夠用,每日要照顧小朋友,要花3個鐘去教書教功課,買餸煮三餐,加上番去探爸爸,有時真係好攰,還好爸爸做完物理治療之後行得番,可以照顧到自己,但因為之後要長期覆診,加上我小朋友6月中就要復課,但每日只係番半日,學校尋日已經出左考試時間表,我黎緊真係有排忙,未必能夠陪到爸爸去覆診,只好安排陪診員帶爸爸去醫院覆診,而家每日都好攰,但係夜晚訓落床成個人係攰到訓唔到,攪到自己呢排身體好差,身體裡面好似好多毒素累積住咁,精神唔係幾好,希望過一排會無事啦。 謝謝關心我爸爸留言既人,祝大家都身體健康。 |
第 1 頁 (共 1 頁) | 所有顯示的時間為 UTC + 8 小時 |
Powered by phpBB © 2000, 2002, 2005, 2007 phpBB Group http://www.phpbb.com/ |